လောက်ကိုင်တိုက်ပွဲ

လောက်ကိုင်တွင် ကိုးကန့်လက်နက်ကိုင်တပ်ဖွဲ့နှင့် ဆက်သွယ်သူများ ပုဒ်မ ၁၇ (၁) ဖြင့်... The Voice Weekly's Facebook Wall / The Voice Weekly / 10 hours ago လောက်ကိုင်တွင် ကိုးကန့်လက်နက်ကိုင်တပ်ဖွဲ့နှင့် ဆက်သွယ်သူများ ပုဒ်မ ၁၇ (၁) ဖြင့် အရေးယူမည်ဟု တပ်မတော်ဆို ရန်ကုန်၊ ဧပြီ ၅ တိုက်ပွဲများ ဖြစ်ပွားလျက်ရှိပြီး စစ်အုပ်ချုပ်ရေး ကြေညာထားသော လောက်ကိုင် ကိုယ်ပိုင်အုပ်ချုပ်ခွင့်ရ ဒေသအတွင်း ဖုန်ကြားရှင် ဦးဆောင်သော ကိုးကန့် လက်နက်ကိုင်တပ်ဖွဲ့နှင့် ဆက်သွယ်သူ မည်သူမဆို မတရားအသင်း အက်ဥပဒေ ပုဒ်မ ၁၇ (၁) ဖြင့် အရေးယူမည်ဟု တပ်မတော် အရာရှိတစ်ဦးက ပြောကြားသည်။ အစိုးရကို ဆန့်ကျင်သော လက်နက်ကိုင်သောင်းကျန်းသူ အုပ်စုများသည် မတရားအသင်း အက်ဥပဒေ ပုဒ်မ ၁၅ (၂) (က) အရ မတရားအသင်း ဖြစ်ပြီး ယင်းအသင်းအဖွဲ့ကို ဆက်သွယ်ကူညီသူများကို မတရားအသင်း အက်ဥပဒေ ပုဒ်မ ၁၇ (၁) (၂) ဖြင့် အရေးယူမည်ဖြစ်ကြောင်း မတ်လ ၃၀ ရက်နေ့ ရက်စွဲဖြင့် လောက်ကိုင်ဒေသ ကွပ်ကဲမှု စစ်ဌာနချုပ်၏ ကြေညာချက်ကို ကိုးကားပြီး ၎င်းက အထက်ပါအတိုင်း ပြောကြားခြင်း ဖြစ်သည်။ အဆိုပါ ကြေညာချက်အတွင်း မည်သူမဆို မတရားအသင်းဝင် ဖြစ်လျှင်သော် လည်းကောင်း၊ ထိုအသင်းတစ်ခုခု၏ အစည်းအဝေးများတွင် ပါဝင်ဆောင်ရွက်လျှင်သော် လည်းကောင်း၊ ထိုအသင်းတစ်ခုခု၏ ကိစ္စရပ်အတွက် ငွေကြေးထောက်ပံ့လျှင်၊ ငွေကြေးရယူလျှင် သို့မဟုတ် ငွေကြေးတောင်းခံလျှင်သော် လည်းကောင်း၊ ထိုအသင်း၏ လုပ်ကိုင်ဆောင်ရွက်ရာတွင် တစ်နည်းနည်းဖြင့် ကူညီလျှင် ထိုသူကို မတရားအသင်း အက်ဥပဒေ ပုဒ်မ ၁၇ (၁) အရ ဖမ်းဆီးပြီးနောက် စစ်ခုံရုံးဖြင့် စစ်ဆေးအရေးယူမည် ဖြစ်ကြောင်း လောက်ကိုင်ဒေသခံ ကွပ်ကဲမှု စစ်ဌာနချုပ်၏ ကြေညာချက်တွင် ပါရှိသည်။ ထို့အပြင် မည်သူမဆို မတရားအသင်းကို စီမံအုပ်ချုပ်လျှင် သို့မဟုတ် မတရားအသင်း၏ စီမံအုပ်ချုပ်မှုတွင် ကူညီလျှင်သော် လည်းကောင်း၊ ထိုအသင်းတစ်ခုခု၏ အစည်းအဝေး သို့မဟုတ် အသင်းဝင်များ၏ အစည်းအဝေး ဖြစ်မြောက်ရေးအတွက် ဆော်သြကမကထ ပြုလျှင် သို့မဟုတ် ကူညီလျှင်သော် လည်းကောင်း ထိုသူကို မတရားအသင်းများ အက်ဥပဒေ ပုဒ်မ ၁၇ (၂) အရ ဖမ်းဆီးပြီးနောက် စစ်ခုံရုံးတင်၍ စစ်ဆေးအရေးယူမည် ဖြစ်ကြောင်း ယင်းကြေညာချက်တွင် ဆက်လက်ဖော်ပြထားသည်။ ယင်းသို့ မတရားအသင်းနှင့် ဆက်သွယ်မှုများကို ဖမ်းဆီးအရေးယူမှုများသည် စစ်အုပ်ချုပ်ရေး ကြေညာထားသော တပ်မတော်တွင် လုပ်ပိုင်ခွင့် အပြည့်အဝရှိကြောင်း နိုင်ငံတော်သမ္မတရုံး တာဝန်ရှိသူတစ်ဦးက ပြောကြားသည်။ “ဒါက စစ်အုပ်ချုပ်ရေး ဧရိယာထဲမှာ ဖြစ်သမျှ ပြဿနာကို ကိုင်တွယ်နိုင်အောင်၊ ကြိုတင်အမိန့်ထုတ်တာပါ” ဟု ၎င်းကဆိုသည်။ ထို့အပြင် တပ်မတော်အနေနှင့် လက်နက်ကိုင် အဖွဲ့အစည်း ချေမှုန်းရေး ဗျူဟာအရ ဒေသခံများနှင့် လက်နက်ကိုင်များ ပူးပေါင်းမှု မရှိစေရန် ဆောင်ရွက်ခြင်း ဖြစ်နိုင်ကြောင်း တပ်မတော် အရာရှိတစ်ဦးက ဆိုသည်။ “ဒေသခံတွေက လက်နက်ကိုင်ဘက်က ပါနေရင် အဲဒီအဖွဲ့အစည်း ဆက်ပြီးရပ်တည်ဖို့ အခွင့်အရေး ပိုများတာပေါ့” ဟု ၎င်းကဆိုသည်။ လောက်ကိုင်ဒေသအတွင်း တပ်မတော်နှင့် ကိုးကန့်လက်နက်ကိုင်များအကြား တိုက်ပွဲများ ပြင်းထန်လာသောကြောင့် ဒေသတည်ငြိမ်အေးချမ်းမှု မပျက်ပြားစေရေးအတွက် ကိုးကန့် ကိုယ်ပိုင်အုပ်ချုပ်ခွင့်ရဒေသတွင် အုပ်ချုပ်ရေးဆိုင်ရာ လုပ်ပိုင်ခွင့်များနှင့် တာဝန်များကို လည်းကောင်း၊ ရပ်ရွာအေးချမ်းသာယာရေး၊ တရားဥပဒေစိုးမိုးရေးနှင့် သက်ဆိုင်သည့် တရားစီရင်ရေးဆိုင်ရာ လုပ်ပိုင်ခွင့် တာဝန်များ အားလုံးကို တပ်မတော် ကာကွယ်ရေးဦးစီးချုပ်ကို လွှဲပြောင်းပေးအပ်ကြောင်း ဖေဖော်ဝါရီလ ၁၇ ရက်နေ့ နိုင်ငံတော်သမ္မတက အမိန့်စာ ထုတ်ပြန်ခဲ့သည်။ ယင်းနောက် စစ်အုပ်ချုပ်ရေး ကြေညာထားသော ဧရိယာအတွင်း အုပ်ချုပ်ရေးနှင့် တရားဥပဒေစိုးမိုးရေး ကိစ္စများကို စစ်ခုံရုံးက စစ်ဆေးမည် ဖြစ်ပြီး အမြင့်ဆုံး သေဒဏ်အထိ ချမှတ်ခံရမည် ဖြစ်ကြောင်း တပ်မတော် ကာကွယ်ရေးဦးစီးချုပ်က အမိန့်စာ ထုတ်ပြန်ခဲ့သည်။ Visit website